A très noble, très excellent et très puissant roy Loys,
filz de très digne et de très sainte memoire le roy saint Loys,
par la grace de Dieu roy de France, de Navarre, de Champaigne et de Brie, comte palatin

Jehan sire de Jonville, sénéschal de Champaigne, humble et entiere amour vous doint Jesus à ma prière, et salut.
Très noble et puissant seigneur, vous plaise savoir que feue ma très excellante dame votre mère, que Dieu absoille, en son temps pour la grant amour qu'elle avoit à moy, aussi qu'elle savoit bien que très loiallement j'avoye amé et servy ledit seigneur roy saint Loys son bon espoux, et suivy en maints lieux et places ; me pria et requist tant affectueusement qu'elle put, que pour l'onneur de Dieu je feisse faire et escrire un livret et traité des très dignes et très saints faitz et ditz dudit seigneur roy saint Loys. Ce que très humblement luy promis faire et accomplir à mon povoir.
Et parce que à vous, très excellant et puissant seigneur, qui estes l'aisné filz et hoir, et qui avez succédé au royaume après ledit seigneur roy saint Loys vostre dit père, envoye le livret, comme congnoissant que à nil autre vif plus que à vous n'appartient de l'avoir. Affin que vous, et tous autres qui l'aurez et l'orrez lire, y puissiez prouffiter par imitation des euvres et exemples que y trouverez, et que Dieu nostre père créateur, en soit servy et honoré.
La première partie parle et enseigne comment ledit seigneur roy saint Loys soy regit et gouverna, selon Dieu et nostre mère Sainte Église, et au prouffit et utilité de son royaume. La seconde partie parle de ses grands chevalleries et faits d'armes affin de trouver l'un après l'autre, et pour esclercir et eslever l'entendement de ceulx qui le liront et oyrront. Par lesquelles choses on pourra voir et congnoistre cleremont que jamais nul homme de son temps, vivant dès le commencement de son règne et jusques à la fin, n'a vescu si saintement et justement qu'il fist. Pourtant me semble que on ne luy a mye assez fait, que on ne l'a mis au nombre des martyrs, pour les grans paines qu'il souffrit ou pelerinage de la Croiz, par l'espace de six ans que je fu en sa compagnie. Car ainsi que nostre Seigneur Dieu est mort pour l'umain lignage en la Croiz, à semblable mourut croisé à Tunes le bon roy saint Loys. Et pouce que nul bien n'est à preferer à l'ame raisonnable, à ceste cause je commenceray à la première partie, qui parle de ses bons enseignemens et saintes paroles, qui est pour la norriture de l'ame.


A notre bon seigneur Louis, fils du roi de France,
par la grâce de Dieu roi de Navarre, comte palatin de Champagne et de Brie,

Jean, sire de Joinville, son sénéchal de Champagne, salut et amour et honneur, et assure fidélité à son service.
Cher seigneur, je vous fais savoir que madame la reine votre mère, qui m'aimait beaucoup (que Dieu lui accorde un bon pardon), me pria avec insistance que je lui fasse écrire un livre des saintes paroles et des bon faits de notre saint roi Louis ; et je lui en fis la promesse.
Très excellent et puissant seigneur, vous qui êtes le fils aîné et l'héritier  qui avez succédé au seigneur roi saint Louis, je vous ai adressé ce livre, car personne n'en est plus digne que vous. Cet ouvrage vous fera profiter, vous et tous ceux qui le verront, des bons exemples que vous y trouverez. Dieu, notre père créateur, en sera servi et honoré.
La première partie raconte comment il se gouverna, durant tout son règne, selon Dieu et selon l'Église, ainsi qu'au profit de son royaume. La seconde partie du livre parle de ses grands faits de chevalier et de ses grands faits d'armes (…)
Et aussi j'ai fait écrire ces autres choses en l'honneur du vrai saint, ainsi par ces choses dessus dites on pourra voir clairement que jamais homme laïc de notre temps ne vécut si saintement durant sa vie, dès le commencement de son règne jusqu'à la fin.